Президент Елена Рыбакинаны III дәрежелі «Барыс» орденімен марапаттады
Айым Серікбайқызы
28 Қыркүйек 2026, 13:00
Президент Қасым-Жомарт Тоқаев спорттағы ерен жетістіктері және Қазақстанда теннистің дамуы мен насихатталуына қосқан үлкен үлесі үшін Елена Рыбакинаны III дәрежелі «Барыс» орденімен марапаттады.
Бұған дейін Мемлекет басшысы Елена Рыбакинаны АҚШ ашық чемпионатындағы (US Open) жарқын жеңісімен және әлемнің бірінші ракеткасы атанғанымен құттықтап, бұл жетістіктің тарихи маңызы мен қазақстандық спортты дамытуға қосқан өлшеусіз үлесін атап өткен болатын.
Айта кетейік, қазақстандық теннисші Елена Рыбакина US Open турнирінің чемпионы атанды. Финалда Рыбакина кейінгі екі жылдың жеңімпазы Арина Соболенконы үш сетте – 6:4, 5:7, 6:2 есебімен жеңді.
Сондай-ақ, Қасым-Жомарт Тоқаев Елена Рыбакинаны US Open-дегі жеңісімен құттықтады.
WTA Елена Рыбакинаға әлемнің бірінші ракеткасы атағының жүлдесін табыстады.
Еске салсақ, әлемнің бірінші ракеткасы Елена Рыбакина Қазақстанға келетіні хабарланған болатын.
Тағы оқи отырыңыз:
Словакия президенті Елена Рыбакинаны US Open-дегі жеңісімен құттықтады
Ең оқылған:
- «Қаза болды» деген ақпарат тарады: Қорғаныс министрлігі екі матросқа қатысты мәлімдеме жасады
- Жаңа Қорғаныс министрі тағайындалды
- Каспийдегі оқу-жаттығуда қаза тапқан әскери қызметшілерге мемлекеттік наградалар берілді
- Қорғаныс министрі Дәурен Қосанов қызметінен босатылды
- Қазақстандық ауыр атлет Аянат Жұмағали Азия ойындарында күміс медаль жеңіп алды