Бас жаңалықтар
Қазақстан жұмыскерлердің құқығын қорғауда алғашқы 30 елдің қатарына кіреді – министрлік
10 Маусым 2021, 15:07 195

Қазақстан жұмыскерлердің құқығын қорғауда алғашқы 30 елдің қатарына кіреді – министрлік

Нұр-Сұлтан, BAQ.KZ тілшісі. Еңбек және халықты әлеуметтік қорғау министрі Серік Шәпкенов халыққа есеп беру кездесуінде еңбек жағдайларын қамтамасыз ету және еңбек құқығын қорғау бойынша жүргізіліп жатқан жұмыс туралы айтты.

2021 жылы мемлекеттік еңбек инспекторлары қабылдаған іс-шараларының арқасында 4 мыңнан астам заң бұзушылық жойылды. 1,7 млрд теңге сома жалақы берешегі өтелді және 9,6 мыңнан астам жұмыскердің құқығы қорғалды. Қазақстан «Еңбек нарығы» факторы бойынша Дүниежүзілік экономикалық форумның жаһандық бәсекеге қабілеттілік индексінің рейтингі бойынша көшбасшы елдердің отыздығына кіреді, – дейді Серік Шәпкенов.

Оның айтуынша, еңбек заңнамасын одан әрі жетілдіру мақсатында 2020 жылы еңбек кодексіне түзетулер пакеті қабылданды. 

Атап айтқанда, мұнда, қызметкерлердің қарыздық еңбек саласындағы еңбек құқығын реттеуді және қорғауды келтіру мәселесі бар. Еңбек жанжалдарын болдырмау жөніндегі кешенді жоспар бекітіліп, іске асырылуда. Кәсіпорындардағы жағдайға мониторинг жүргізу үшін министрлік жанында ахуалдық орталық жұмыс істейді, – деді министр.

Оның айтуынша, биылғы жылдың басынан бастап елімізде еңбек дауларының туындау тәуекелі бар 254 проблемалық кәсіпорын тіркелген. Олардың 183-інде жағдай шешілсе, 71 кәсіпорында ахуал министрліктің тұрақты бақылауында.

Жұмыскерлердің құқығын қорғаудың маңызды талаптарының бірі - қауіпсіз еңбек жағдайын қамтамасыз ету. Қабылданған шаралардың нәтижесінде соңғы 5 жылда өндірісте зардап шеккендер саны 10,7%-ға азайды (1683-тен 1503-ке дейін, оның ішінде қаза тапқандар саны 16,2%-ға, 248-ден 208 адамға дейін азайған). 2020 жылы зиянды еңбек жағдайында жұмыс істегені үшін 672 мың қызметкер 141 млрд теңге сомасына түрлі өтемақы алды, – деді министр.

Сонымен қатар ол өндірістегі жарақаттану мәселесі әлі де өзекті болып отырғанын атап өтті. Министр түйткілді тарқату мақсатында мемлекеттік органдармен және әкімдіктермен бірлесіп, өндірістік жарақаттануды және еңбек жағдайлары зиянды жұмыс орындарын азайту жөніндегі 2019-2023 жылдарға арналған жол картасын іске асырып жатқанын атап өтті. 

«VisionZero» нөлдік жарақаттану тұжырымдамасын ілгерілету бойынша жұмыс жалғасып жатыр. Бүгінде біз 2025 жылға дейінгі қауіпсіз еңбекті қамтамасыз ету жөніндегі іс-қимыл жоспарын және 2030 жылға дейінгі қауіпсіз еңбек тұжырымдамасының жобасын әзірлеудеміз. Онда еңбекті қорғауды басқарудың тәуекелге бағдарланған ұлттық жүйесін құруда әлеуметтік әріптестік тараптарының белсенді қатысуын қамтамасыз ететін жүйелі шаралар айқындалатын болады, – деді ведомство басшысы.
Айта кетейік, министр Қазақстанда табысы аз отбасыларды әлеуметтік қолдау қалай жүргізіліп жатқанын айтып өтті.

Фото: дереккөз
Загрузка...
// (function (d, w, c) {(w[c] = w[c] || []).push(function () {try {w.yaCounter34776245 = new Ya.Metrika({id: 34776245,clickmap: true,trackLinks: true,accurateTrackBounce: true,webvisor: true,trackHash: true});} catch (e) {}});var n = d.getElementsByTagName("script")[0],s = d.createElement("script"),f = function () {n.parentNode.insertBefore(s, n);};s.type = "text/javascript";s.async = true;s.src = "https://mc.yandex.ru/metrika/watch.js";if (w.opera == "[object Opera]") {d.addEventListener("DOMContentLoaded", f, false);}else {f();}})(document, window, "yandex_metrika_callbacks");//