Мемлекет басшысы жазушы Жұмабай Шаштайұлының отбасына көңіл айтты

12 Наурыз 2024, 10:00
544
Бөлісу:
Мемлекет басшысы жазушы Жұмабай Шаштайұлының отбасына көңіл айтты
Фото: Ақорда

Мемлекет басшысы жазушы Жұмабай Шаштайұлының отбасы мен жақын туыстарына көңіл айту жеделхатын жолдады, деп хабарлайды BAQ.KZ Ақордаға сілтеме жасап.

Президент қарымды қаламгер, публицист, Қазақстанның еңбек сіңірген қайраткері Жұмабай Шаштайұлының дүниеден өтуіне байланысты оның отбасы мен жақын туыстарына көңіл айтты.

 Жұмабай Шаштайұлы қазақ әдебиетіне өзіндік қолтаңбасын қалдырып, руханиятымыздың дамуына елеулі үлес қосты. Шығармалары кеңінен насихатталып, оқырман тарапынан жоғары бағаланды. Өнегелі ғұмыр кешкен Жұмабай Шаштайұлының есімі мен жарқын бейнесі халқымыздың жүрегінде мәңгі сақталады. Марқұмның иманы саламат, жаны жәннатта болсын, – деп жазылған жеделхатта.

Бұған дейін, 74 жасқа қараған шағында жазушы Жұмабай Шаштайұлы өмірден өткені туралы хабарлаған болатынбыз.

Өзгелердің жаңалығы