Елордада ТМД Сыртқы істер министрлері кеңесінің отырысы өтті

12 Қазан 2022, 23:40
1101
Бөлісу:
Елордада ТМД Сыртқы істер министрлері кеңесінің отырысы өтті

Қазақстан Республикасы Премьер-министрінің орынбасары – Сыртқы істер министрі Мұхтар Тілеубердінің төрағалығымен Тәуелсіз Мемлекеттер Достастығы Сыртқы істер министрлері кеңесінің кезекті отырысы өтті, деп хабарлайды BAQ.KZ тілшісі.

Халықаралық маңызға ие ауқымды іс-шараға Армения, Әзербайжан, Беларусь, Қырғызстан, Өзбекстан, Ресей, Тәжікстан мен Түрікменстан сыртқы істер министрлері қатысты.

Елордада ТМД Сыртқы істер министрлері кеңесінің отырысы өтті

Қатысушылар ТМД шеңберіндегі сыртқы саяси ведомстволар желісі бойынша ынтымақтастықты тереңдету мәселелерін, сондай-ақ өңірлік және халықаралық күн тәртібінің өзекті аспектілерін талқылады.

Бұған дейін хабарлағанымыздай, іс-шараға қатысушылар өңірлік және халықаралық күн тәртібі, сыртқы саяси ведомстволар желісі бойынша ынтымақтастықты тереңдету мәселелерін сөз етті.

Отырыс қорытындысы бойынша Достастық алаңындағы өзара іс-қимылды тереңдетуге бағытталған бірқатар шешімдер қабылданды.

Сыртқы істер министрлері биылғы 14 қазанында Қазақстан астанасында өтетін ТМД Саммитінде мемлекет басшыларының қарауына шығарылатын құжаттардың жобаларын келісті.

Өзгелердің жаңалығы