Бұл туралы Сыбайлас жемқорлық агенттігі төрағасының орынбасары Ұлан Сарқұлов мәлімдеді, деп хабарлайды BAQ.KZ тілшісі.
Келесі жылдың басында Тұңғыш Президент пен оның туыстарына қатысты заңның күші жойылатыны белгілі. «Антикор Тұңғыш Президенттің туыстарына қатысты материалды жинап жатыр ма?» деген сұраққа жауап берді.
Қазір бұл туралы айту қиын. Заңнамалық нормалар бар екенін түсіну керек. Дәлелдер болуы қажет. Барлық мәселе құқықтық өрісте шешіледі. Барлығы осыны түсінгені дұрыс, - деп атап өтті агенттік төрағасының орынбасары Сенаттың жалпы отырысынан кейін кулуарда журналистерге берген сұхбатында.
Сондай-ақ алдағы уақытта олар (Елбасының туыстары – ред.) жауапкершілікке тартылуы мүмкін бе деген сұраққа тоқталды.
Дәлелдер базасы болуға тиіс. Мүмкін бе, жоқ па, ол туралы ештеңе айта алмаймын. Иә, барлық азаматтар секілді, оларды да (жауапқа) тартуы мүмкін, - деді Ұлан Сарқұлов.
Еске сала кетейік, бұған дейін Антикор өкілі «Қайрат Сатыбалды ақшасын қайда сақтаған?» деген сұраққа жауап берген болатын.
