Қазақша дубляжға деген сұраныс бар, жылына 3-4 фильм шығару аз. Үкімет кулуарында Мәдениет және спорт министрі Асхат Оралов кинотеатрлардағы қазақша дубляждың неге тоқтап қалғанын түсіндірді, деп хабарлайды BAQ.KZ тілшісі.
Мәдениет және спорт министрлігінің 7 жылдық даму жоспары бекітілді. Былтыр 3-4 фильмнің дубляжы жасалған болатын. Бірақ біз тұжырымдамаға басқа көрсеткіштерді енгіздік. Енді жыл сайын дубляжданатын фильмдердің саны үш есеге көтеретін боламыз. Яғни жыл сайын 15 фильм ұсынылады, - деді ведомство басшысы.
Биыл 15 фильмді дыбыстау жоспарда бар. Алайда министр тұжырымдаманың бекітілгеніне екі ай ғана болғанын алға тартты.
Қазіргі таңда конкурстық рәсімдеу жұмыстары өткізіледі. Біз 5 жылдың ішінде 75 киноның дубляжын өткіземіз деп жоспар құрдық. Бұрын мұндай көрсеткіш болған жоқ. Келесі жылдан бастап ең мықты деген фильмнің дубляжы ұйымдастырылады, - деді Асхат Оралов.
