Жайық өзенінің бетіндегі мұз ойылып, екі жігіт суға кетіп қала жаздады 

Жайық өзенінің бетіндегі мұз ойылып, екі жігіт суға кетіп қала жаздады 
700

Нұр-Сұлтан, BAQ.KZ. Жайық өзенінің бетіндегі мұз ойылып, үстінде жүрген екі жігіт суға кетіп қала жаздады, деп хабарлайды Polisia.kz. 

Жайық өзенінің бетіндегі мұз ойылып, үстінде жүрген 18 жастағы жігіт суға кетіп бара жатқан. Мұны көрген досы оған көмекке келді. Оқиғаға куә болған тұрғындар арнайы мамандарды көмекке шақырды, алайда екі жігіт өз күштерімен өзеннің арғы жағына өтіп, аман қалды, - делінген хабарламада.

Аязды күні суға кету қаупінен аман қалған жігіттерді жағадағы Атырау қаласы Полиция басқармасының №86 стационарлық бекетінің қызметкерлері алғашқы көмек көрсетіп, жедел-жәрдем қызметкерлерін шақырды. Атырау облысының полицейлері мұз бетінде жүру қауіпті екендігін ескертеді.

 

Қысқа да нұсқа. Жазылыңыз telegram - ға

Фото: ашық дереккөз
Өзгелердің жаңалығы