Жасыл қала: Шымкентте жаңа гүлзар ашылды

21 Мамыр 2024, 04:10
333
Бөлісу:
Жасыл қала: Шымкентте жаңа гүлзар ашылды
Фото: gov.kz

Шымкент қаласында жаңа аллея ашылды, деп хабарлайды BAQ.KZ әкімдікке сілтеме жасап.

Демеушілер есебінен салынған демалыс аймағының жалпы ауданы шамамен төрт мың шаршы метрді құрайды.

Халыққа ыңғайлы болу үшін жаяу жүргіншілер жолының бойында заманауи жарықтандыру шамдары, орындықтар, шағын сәулет нысандары орнатылды, сондай-ақ суармалы көгалдар қарастырылып, жасыл желектер отырғызылды.

Қала әкімінің тапсырмасы бойынша қазіргі уақытта Еңбекші ауданында тағы бір сквердің құрылысы жүргізілуде.

Жібек жолы, Сайрам көшелерінің қиылысында жаңа серуендеу аймағы пайда болады. Бұл жоба да бизнестің әлеуметтік жауапкершілігі аясында жүзеге асырылады.

Өзгелердің жаңалығы