Венгрияның Сыртқы істер министрінің орынбасары Левенте Мадьяр Еурокомиссияны АҚШ-пен кедендік соғыстың алдын алуға әрекет етпеді деп айыптады. Бұл туралы ол Facebook желісіндегі видеоүндеуінде мәлімдеді, деп хабарлайды BAQ.KZ.
Мадьярдың айтуынша, Еуропалық экономикаға, әсіресе Венгрияға, америкалық импорттық баж салықтары үлкен зиян келтіруі мүмкін. Ол Еурокомиссия АҚШ-пен келіссөздерді дер кезінде бастамады, сол себепті жауапкершілікті өз мойнына алуы тиіс деді.
Сондай-ақ, Венгрия СІМ америкалық автокөліктерге қатысты баж салығын барынша төмендетуге шақырды және ЕО-ның АҚШ-тың бұрынғы президенті Дональд Трамппен байланыс арналарын ертерек жолға қоюы керек болғанын атап өтті.
Еске сала кетейік, бұған дейін Дональд Трамп ЕО мен АҚШ арасындағы сауда қатынастарын "жиіркенішті" деп бағалап, ЕО-ны америкалық компанияларға қысым көрсетіп отыр деп айыптаған еді.
