Ұлттық құрылтай құрамында ротация болды. Бұл туралы Ақорда мәлім етті.
Ұлттық құрылтайдың жұмысына қоғам өкілдері баспагер Раиса Сайран Қадыр, «Qazaqstan» телерадиокорпорациясының журналисі, тележүргізуші Ерқанат Көпжасарұлы, Әл-Фараби атындағы Қазақ ұлттық университетінің басқарма төрағасы — ректоры Жансейіт Түймебаев, Қазақстан Республикасы Президенті Архивінің директоры Әлия Мұстафина, Қостанай автомобиль көлігі колледжінің басшысы Дмитрий Павленко, саяси шолушы Ғазиз Әбішев, Шығыс Қазақстан облысы қоғамдық кеңесінің мүшесі Ольга Кузовлева тартылды, — делінген хабарламада.
Ротация аясында Ұлттық құрылтай құрамынан Ә. Бектаев, О. Селтеев, Д. Рыпаков, А. Елгезек, И. Салжанов, А. Бикебаев шықты.
