АҚШ президенті Дональд Трамп Украина президенті Владимир Зеленскиймен Ватиканда кездескеннен кейін өзінің Truth Social әлеуметтік желісінде кең көлемді мәлімдеме жасады, деп хабарлайды BAQ.KZ.
Онда ол Кремль басшысы Владимир Путиннің соғысты тоқтатуға ниет білдірмейтініне және Ресейдің Украинадағы әскери әрекеттерін жалғастыруда өз мақсаттары бар екеніне сенімді екенін айтты. Сонымен қатар, Трамп Ресейге қарсы банктік санкциялар енгізу қажеттігін және The New York Times басылымының Украинадағы жағдайды тоқтату үшін Қырымды қайтару туралы пікірін сынға алды.
Мен Ресеймен және Украинамен қандай мәміле жасасам да, қаншалықты жақсы болса да, бұл ең жақсы мәміле болса да, The New York Times бұл туралы жаман сөйлейді, - деп атап өтті Трамп өзінің мәлімдемесінде.
Ол басылымның Украинадағы қақтығысты тоқтату үшін басып алынған территорияларды, оның ішінде Қырымды қайтарып алуды талап етуін "күлкілі" деп санайды. Сонымен бірге, Трамп Питер Бейкерді "талантсыз" және "біржақты" деп сынға алды.
Саясаткер бұрынғы әкімшіліктердің қалдырған "тәртіпсіздіктерін" түзетуге тырысатынын және бұрынғы президент Джо Байденнің бұл соғыста жеңіліс тапқанын мәлімдеді.
Бұл ұйқысыз Джо Байденнің соғысы, менікі емес. Ол бірінші күннен бастап жеңіліске ұшырады, егер мен сол кезде президент болсам, ол болмауы керек еді, - деді Трамп.
Трамптың сөзінше, Путиннің соңғы бірнеше күнде Украинадағы азаматтық нысандарға зымыран соғуының ешқандай қисынды себебі жоқ.
Бұл мені соғысты тоқтатқысы келмейтін шығар деп ойлауға мәжбүр етеді. Ол мені алдайды және бұл мәселені банктік санкциялар немесе қайталама санкциялар арқылы шешу керек. Тым көп адам өледі!, - деп қортындылады Трамп.
Бұл мәлімдеме Трамптың сыртқы саясатқа қатысты көзқарастарын және АҚШ пен Ресей арасындағы қарым-қатынастарды реттеуге деген ниетін көрсетті.
