Нұр-Сұлтан, BAQ.KZ. Арменияның Сыртқы істер министрлігінің мәлімдеуінше, Әзербайжан пилотсыз ұшақтары Армения аумағына шабуылдады, деп хабарлады РИА Новости.
Әуе шабуылына қарсы қорғаныс жүйелері Арменияның Сюник аймағындағы Хнацах, Арцваник, Давид Бек елді мекендерінің жанындағы Әзербайжанның пилотсыз ұшақтарының ұшуын тіркеді. Осы кезде Армения Қарулы Күштерінің инфрақұрылымына шабуылдар жасалды, - делінген агенттіктің сайтында жарияланған хабарламада.
Сыртқы істер министрлігінің хабарлауынша, азаматтық нысандар да зардап шеккен. Әуе соққысының салдарынан қаза тапқандар тіркелмеген.
