Жетісу облысының Талдықорған қаласында 2 балдық жер сілкінісі болды, деп хабарлайды BAQ.KZ.
Бұл туралы ТЖМ баспасөз қызметі мәлім етті.
Жедел ақпарат бойынша: Алматы облысында - 5 балл, Жетісуда (Талдықорған)- 2 балл, - делінген ведомство хабарламасында.
ТЖМ мәліметінше, Алматы қаласы, Алматы және Жетісу облыстарында жедел желі іске қосылды.
Еске салсақ, осыдан жарты сағат бұрын Алматы қаласында 5 балдық жер сілкінісі тіркелді. Бұған дейін меншікті тілшіміз Алматыдағы қазіргі жағдайды көрсеткен болатын.
