СOVID-19: Індетпен күрескен дәрігерлерге қанша ақша төленді?

11 Қазан 2021, 13:09
26226
Бөлісу:
СOVID-19: Індетпен күрескен дәрігерлерге қанша ақша төленді?

Нұр-Сұлтан, BAQ.KZ тілшісі. Бұл туралы бүгін Мәжілісте өткен «Үкімет сағаты» барысында Денсаулық сақтау министрі Алексей Цой хабарлады. Оның айтуынша, коронавирус инфекциясымен күресте тікелей жұмыс атқарған медицина қызметкерлеріне төлем үшін 116 млрд-тан астам қаржы бөлінген.

Эпидемияға қарсы іс-шараларға қамтылған медициналық қызметкерлерге материалдық қолдау көрсетілді. Коронавирус инфекцияымен күресте тікелей жұмыс істеген қызметкерлерге 116 млрд теңге көлемінде 3 тәуекел тобы бойынша үстемақы төленді, - деп атап өтті Денсаулық сақтау министрі.

Айта кететін жайт, былтыр дәрігерлердің орташа жалақысы 30%-ға, ал орта медициналық қызметкерлердің еңбекақысы 20%-ға артқан болатын.

Сондай-ақ індеттің төрт толқынының орын алуына коронавирус инфекциясы штамдарының жаңа түрлерінің пайда болуы себеп болған. Ал аурушаңдық соңғы өршіген кезеңдегі шарықтау шегіне тоқталар болсақ, тәулігіне 7800-ге дейін індет жұқтыру жағдайы тіркелген.

Ведомство басшысының айтуынша, коронавирус инфекциясы бойынша профилактикалық және эпидемияға қарсы іс-шараларды дер кезінде жүргізу арқылы еліміздегі эпидемиологиялық жағдайдың тұрақтануы мен аурушаңдықтың таралу қарқынын төмендетуге бағытталған.

Еске сала кетейік, бұған дейін Қазақстан коронавирус инфекциясы бойынша «сары» аймақта екендігі туралы жазған болатынбыз.

Өзгелердің жаңалығы