Солтүстік Қазақстанда еңбекке жарамдылар азайып барады

30 Маусым 2022, 08:14
1083
Бөлісу:
Солтүстік Қазақстанда еңбекке жарамдылар азайып барады

Нұр-Сұлтан, BAQ.KZ. Солтүстік Қазақстанда жастар мен еңбекке қабілетті халық жылдам азайып жатыр, деп хабарлады finprom.kz сайты.

Солтүстік Қазақстан облысында осы жылдың бірінші тоқсанында келгендер саны кеткендер санының 69,6%-ін құрады. Осы жылдың қаңтар-наурыз айларында облысқа тек 2,9 мың адам көшіп келсе, 4 мыңнан астам адам кетті.

2022 жылдың қаңтар-наурыз айларында Солтүстік Қазақстан облысына келген балалар мен жасөспірімдерді кеткендерге шаққанда тек 30,3% болды. Яғни балалардың орны толмай қалды, айырмашылық –70%.

Өңірдің демографиялық көрсеткіштері де жоғары емес. Мұнда қартаю индексінің ең үлкен көрсеткіші – 100 балаға 62,9-ы құрайды. Яғни еліміздің солтүстік өңірінде 15 жасқа дейінгі 100 бала мен жасөспірімге 65 жастан асқан 63 қарт адамнан келеді.

Жалпы ел бойынша қарт адамдардың үлесі соңғы жылы азайды. 2021 жылы халықтың қартаю индексі 100 балаға 26,6-ға дейін төмендеді. Халықтың қартаю индексінің ең төменгі көрсеткіші Түркістан (100 балаға 12,7) және Маңғыстау (100 балаға 13) облыстарында байқалды.

Өзгелердің жаңалығы