Кеше кеште Шығыс Қазақстан өңіріндегі "Омбы-Майқапшағай" күре жолында боран салдарынан көріну нашарлап, қозғалысқа шектеу енгізілді, деп хабарлайды BAQ.KZ.
Жауған қардың қалыңдығы шамамен 50 сантиметрге дейін жетті. Түні бойы "ҚазАвтоЖол" қызметкерлері республикалық маңыздағы автотрассаның жабық учаскесін қардан тазалап, жолда қиын жағдайға тап болған жүргізушілерге көмек көрсетті.
Арнайы техниканың көмегімен жолшылар қар құрсауынан 6 көлікті шығарып алды. 14 адам құтқарылды. Олар жақын маңдағы Үлкен Қаратал және Қаратал ауылдарына жеткізілді.
Таңғы сағат 7.30-дан бастап жол қозғалысына енгізілген шектеу алынды.
