Астана, BAQ.KZ. Арал аудандық сотында көші-қон заңнамасын бұзған Өзбекстан Республикасының азаматы Р-ға қатысты әкімшілік іс қаралды. Бұл туралы аудандық соттың баспасөз қызметі хабарлады.
"Сотта анықталғандай, азамат Р. Қазақстан Республикасының аумағына келгеннен кейін, тіркеу кезінде көрсетілген мекен-жайда тұрмай көші-қон заңнамасын бұзған" - делінген хабарламада.
Құқық бұзушының кінәсі сот отырысында іс құжаттарымен толық дәлелденген.
Сот қаулысымен Р. Қазақстан Республикасының ӘҚБтК-нің 517-бабының 2-бөлігімен кінәлі деп танылып, оған 26513 теңге көлемінде айыппұл салынды.