Халықаралық үстел теннисі федерациясы (ITTF) 2027 жылдан 2029 жылға дейінгі әлем чемпионаттарын өткізуге түскен барлық өтінімдерді жариялады, деп хабарлайды BAQ.KZ ҰОК баспасөз қызметіне сілтеме жасап.
Қазақстан 2027 жылғы әлем чемпионатын өткізуге өтінім берген елдер қатарына қосылды. Үміткерлер қатарында Бразилия, Қытай, АҚШ және Франция бар.
Төменде өтінімдердің толық тізімі ұсынылған:
Әлем чемпионаты-2027: Бразилия, Қытай, Франция, Қазақстан, АҚШ.
Командалық әлем чемпионаты-2028: Қытай, Ирак, Италия, Жапония.
Әлем чемпионаты-2029: Аустралия, Бразилия, Қытай, Германия, Ирак, АҚШ.
Қорытынды шешім 2025 жылы 27 мамырда, ITTF-тің жыл сайынғы жалпы жиналысында қабылданады, онда Халықаралық федерацияның барлық 227 мүшесі әлем чемпионатын өткізуге бір үміткерді таңдау үшін дауыс береді.
