Қазақстан мен Қытай әскери ынтымақтастық мәселесі талқыланды

26 Сәуір 2022, 03:30
1547
Бөлісу:
Қазақстан мен Қытай әскери ынтымақтастық мәселесі талқыланды

Нұр-Сұлтан, BAQ.KZ. Қорғаныс министрлігінде Қазақстан Республикасының Қорғаныс министрі генерал-лейтенант Руслан Жақсылықов пен елімізге ресми сапармен келген Қытай Халық Республикасының Қорғаныс министрі генерал-полковник Вэй Фэнхэнің екіжақты кездесуі өтті, деп хабарлайды Қорғаныс министрлігінің баспасөз қызметі.

Тараптар күн тәртібіндегі өзекті және басымдық берілген екіжақты мәселелерді талқылады. Атап айтқанда, бірлескен оқу-жаттығуларды өткізу практикасын жалғастыру, екі ел әскери қызметшілерінің далалық машықтан түрлі жарыстарға қатысуы, қарулы күштер мен әскери-техникалық ынтымақтастық үшін білікті кадрлар даярлауды ұйымдастыру туралы уағдаластықтарға қол жеткізілді. 

Одан бөлек, қорғаныс министрлері бітімгершілік саласында бірлескен іс-қимылды жолға қою қажеттігі жөнінде уағдаласты.

Қорғаныс ведомстволарының басшылары екі жақты форматта да, халықаралық ұйымдар шеңберінде де Қазақстан мен Қытай қарулы күштері арасындағы өзара іс-қимыл басымдықтарына жоғары баға берді.

Сонымен қатар Қазақстан-қытай әскери ынтымақтастығын нәтижелі дамытудың әлеуеті де атап өтілді.

Өзгелердің жаңалығы