Бас жаңалықтар
Қытаймен әуе қатынасы тоқтап, билеттер кері қайтарылады
29 Қаңтар 2020, 18:25 215

Қытаймен әуе қатынасы тоқтап, билеттер кері қайтарылады

Нұр-Сұлтан, BAQ.KZ тілшісі. 3 ақпаннан бастап Қытай Халық Республикасымен тұрақты әуе қатынасы уақытша тоқтатылады. Бұл туралы ҚР ИИДМ Азаматтық авиация комитетінің басшысы Талғат Ластаев айтты. 

Екі ел арасындағы тұрақты рейстерді "Эйр Астана", "SCAT" әуе компаниялары (Қазақстан), "China Southern Airlines" және "Air China" әуе компаниялары Нұр-Сұлтан, Алматы және Қытайдың Пекин, Үрімші, Сиань, Санья, Хайкоу қалалары арасында орындап келді. Осыған орай 2020 жылдың 3 ақпаннан бастап аталған рейстерге билет алғандар оны сатып алған жерлері бойынша қайтара алады. Билеттер үшін ақша айыппұлсыз рәсімделіп, толық көлемде қайтарылады. Қалып қойған жолаушыларды елге қайтару үшін Пекин және Үрімші қалаларынан қосымша рейстер ұйымдастырылады, - министрлік өкілі.

Бұған дейін хабарлағанымыздай, Қазақстан Үкіметі коронавирустық инфекцияның өршуіне байланысты Қытай аумағына туристік сапарларға шектеу қойды. Қытайға баратын теміржол жолаушылар тасымалы тоқтатылды. Қытайға қатысты қойылған шектеулер жөнінде Жандарбек Бекшин айтып берді. Сондай-ақ, Денсаулық сақтау министрлігінің ресми өкілі отандық өндірушілерден азаматтарға қажетті көлемде маска шығаруды өтінді.

Фото: автордан
Загрузка...