Нұр-Сұлтан, BAQ.KZ. Қирап қалған 3 қабатты ғимарат үйінділерінің арасынан екі адамның денесі табылды. Тағы 6 адамды іздестіру жұмыстары жалғасуда.
PolskieRadio24 мәліметінше, Польшада 4 желтоқсан күні "Щирк" тау-шаңғы курортындағы тұрғын үйде газ жарылған. Оқыс оқиға салдарынан 3 қабатты үй опырылып түскен.Қайғылы оқиға жергілікті уақыт бойынша шамамен 18.30 шамасында болған. Газ жарылғаннан кейін үй өртене бастаған. Құтқарушылар тілсіз жауды ауыздықтап, үйінділердің арасынан жоғалған адамдарды іздестіріп жатыр.
Бельско-Бяла қаласының өрт қауіпсіздігіне жауапты муниципалдық штабының деректеріне сәйкес, үйінділердің арасында 8 адам болуы мүмкін. Олардың ішінде балалар да бар.
Оқиға орнында жүзден астам құтқарушылар, сондай-ақ полиция қызметкерлері мен жедел жәрдем бригадалары жұмыс істеуде.
Польша газ компаниясының (PSG) өкілі Артур Михневичтің айтуынша, газдың жарылып кетуіне газ құбырын бұрғылау жұмыстары себепкер болуы мүмкін, - делінген хабарламада.
Кейіннен белгілі болғандай, үйінділер арасынан 2 адамның денесі табылған.
