Бас жаңалықтар
Павлодарда бір күннің ішінде 4 көліктен өрт шықты
21 Қараша 2019, 14:06 998

Павлодарда бір күннің ішінде 4 көліктен өрт шықты

Нұр-Сұлтан, BAQ.KZ. Аяз салдарынан ескі көліктердің отқа орануы жиілеп кетті, деп хабарлайды pavlodarnews.kz. 

Облыстық ТЖД баспасөз қызметінің мәлімдеуінше, 20 қараша күні сағат 15:20-да Ақсу қаласының Әлия Молдағұлова көшесінде 1999 жылы шығарылған Mercedes-Benz автокөлігінің мотор бөлігінде резеңке-техникалық бұйымдар, салон панельдері, жалпы ауданы үш шаршы метр екі алдыңғы доңғалақ өртенді. 

Сағат 07:54-те Железин ауданының аудан орталығында 1994 жылы шығарылған «Audi A6» автокөлігінің мотор бөлігінде  1,5 шаршы метр аумақта техникалық бұйымдар жанған. 

Сағат 17:51-де Павлодар қаласында Максим Горький көшесі, 41/1 мекенжайы бойынша ашық аумақта 1997 жылы шыққан минивэн типті шанағы бар Volkswagen автокөлігі алты шаршы метр алаңда жанып кетті. Автомобиль газбен жүреді. 

Сағат 18:01-де Екібастұз қаласы Әуезов көшесі, 38 мекенжайында орналасқан 1997 жылы шығарылған Volkswagen Passat автокөлігінде мотор бөлігінде 1,5 шаршы метр аумақта мотор-техникалық бөлігі жанған. 

Көліктерден өрттің шығуына электр сымдарының қысқа тұйықталуы себеп болған. Сондықтан жүргізушілерге сақ болуға кеңес береміз. Келтірілген шығын көлемі анықталуда, - дейді департаментте.



Фото: ашық дереккөз
Загрузка...