Бас жаңалықтар
Мәскеу орталығында өрт шығып, екі азамат қаза тапты
04 Ақпан 2019, 09:37 866

Мәскеу орталығында өрт шығып, екі азамат қаза тапты

Астана, BAQ.KZ тілшісі. Құтқарушылар Мәскеудің орталығындағы тұрғын үйде шыққан өртті сөндірді. Бұл туралы Ресейдің Төтенше жағдайлар министрлігіне (ТЖМ) қарасты қалалық басқарма хабарлайды.

«1 мың шаршы метрге шарпыған өрт сөндірілді», - делінген қалалық басқарма таратқан хабарламада.

ТЖМ қарасты қалалық басқарманың басшысы Илья Денисов журналистерге өрт болған жерде мақта, газ жүйесінде газ немесе аэрозолды баллончик болғанын жорамалмен айтты.

«Өрт кезінде ғимараттан 43 адам, оның 8-і балалар сыртқа шығарылды. Қазіргі таңда зардап шеккен 4 азамат бар. Оның екеуі қаза тапты», - дейді Илья Денисов.

Осыған дейін Төтенше жағдайлар министрлігі екі азаматтың қаза тапқаны туралы ақпаратты растаған.

Қайғылы оқиға Никитский бульвар 12 көшесіндегі үйде болған. Өрттен үйдің төбесі құлаған.

Сізден жаңалық