Бас жаңалықтар
Абайлаңыз, көктайғақ! Жарақат алмас үшін нені ескеру керек?
07 Желтоқсан 2019, 13:17 1176

Абайлаңыз, көктайғақ! Жарақат алмас үшін нені ескеру керек?

Нұр-Сұлтан, BAQ.KZ. ҚР ДСМ Қоғамдық денсаулық сақтау ұлттық орталығы қазақстандықтарды күн суығанда артатын көше жарақаттарының қауіптілігі туралы ескертеді. 

Көктайғақ кезінде жарақат алмас үшін келесі кеңестерді есте сақтаңыз:

1. ҚР ДСМ ҚДСҰО мамандарының мәліметтері бойынша, қыс мезгілінде жиі кездесетін жарақаттар – аяқ-қолдың сынуы болып табылады. Олар адамның жығылып, инстинктивті түрде қолын алға созып, оған бүкіл дене салмағымен құлап кетуіне байланысты болады. Ыңғайсыз қойылған аяқ жіліншік айналысының сынуына әкеледі. Әйелдерде бұл жағдайға биік өкшелі аяқ киім киіп, сүрініп кетуі ықпал етеді. Сондықтан әйелдерге қыста биік өкшелі аяқ киімді сақтықпен киюге кеңес беріледі.

2. Қыста жалпақ табаны бар немесе аласа төртбұрыш өкшелі аяқ киім киген дұрыс. Тайып кетпеуге көмектесетін үлкен қырлы табан болғаны жөн. Мұздың үстінде кішкене сырғанақтап жүру керек. Асықпай, ақырын жүрген абзал. Есіңізде болсын, қадам неғұрлым тез жүрген сайын құлау қаупі соғұрлым жоғары болады. Мұз үстінде әдейілеп сырғанауға болмайды - бұл табанда мұз қатуды күшейтеді. Қарт адамдарға аяқ киімнің табанына арнайы сырғанауға қарсы төсемдерді жабыстырған дұрыс.

3. Құлау кезінде келесі кеңестерді сақтаңыз: отыруға тырысыңыз, осылайша биіктіктен "құлап түсу" қаупі төмендейді. Құлау кезінде сіз аяқ-қолыңызды бауырыңызға жинаңыз, яғни иекті кеудеге жақындатыңыз, қолды ішке қарай тартып, шынтақтарыңызды бүйірлерге басыңыз. Иықтарыңызды алға қарай шығарып, аяқтарыңызды бірге ұстауға тырысыңыз. 

4. Егер сіз артқа қарай құласаңыз, иығыңызды кеудеңізге жақындатып, қолыңызды мүмкіндігінше кең жайыңыз. Бұл сізді бас сүйек-ми жарақатынан қорғайды. Тайғақ баспалдақтан құлаған кезде, бетіңіз бен басыңызды қорғау өте маңызды: оларды қолыңызбен жабуға тырысыңыз. Қолдарыңыз бен аяқтарыңызды жазып құлауды бәсеңдетуге тырыспаңыз - бұл сыну қаупін одан сайын арттыра түсуі мүмкін.


Фото: ашық дереккөз
Загрузка...