Бас жаңалықтар
Елордада Сирия бойынша келіссөздердің XIII кезеңі өтеді
19 Шілде 2019, 12:59 173

Елордада Сирия бойынша келіссөздердің XIII кезеңі өтеді

Нұр-Сұлтан, BAQ.KZ. 1-2 тамызда Нұр-Сұлтан қаласында Астана форматында Сирия бойынша жоғары деңгейдегі XIII халықаралық кездесу өтеді. Бұл туралы СІМ баспасөз қызметі мәлімдеді.

Алдағы кездесуде кепілгер елдері, яғни Иран, Ресей және Түркия, сондай-ақ Сирияның үкіметі мен қарулы оппозициясы өкілдерінің қатысуы жоспарлануда. Бақылаушылар ретінде БҰҰ мен Иорданияның, сондай-ақ Сириядағы дағдарысты реттеу жөніндегі Астана процесіне алғашқы рет қатысатын Ирак пен Ливанның жоғары деңгейіндегі өкілдері сирияаралық келіссөздерге септігін тигізеді.

"Кездесу Сириядағы, әсіресе Идлиб провинциясы мен елдің солтүстік-шығысындағы қазіргі ахуалды талқылауға, қақтығысушы тараптар арасындағы сенімді нығайтуға және саяси процесті одан әрі ілгерілетуге, сондай-ақ Сирия бойынша конституциялық комитетті құру және іске қосу бойынша жұмысты аяқтауға баса назар аударады", - делінген СІМ-нің баспасөз хабарламасында.

1 тамызда екіжақты және көпжақты, соның ішінде Сирияның үкіметі мен қарулы оппозициясы өкілдерінің қатысуымен, алдын-ала консультациялардың өткізілуі жоспарлануда, ал жалпы отырыс 2 тамызда өтеді.




Фото: ашық дереккөз

Сізден жаңалық