Бұл туралы Денсаулық сақтау министрі Ажар Ғиният Орталық коммуникациялар қызметінің алаңында өткен баспасөз мәслихатында мәлімдеді, деп хабарлайды BAQ.KZ тілшісі.
Алғашқы медициналық-санитарлық көмек қызметінің негізгі және басты қағидаты – жалпы отбасыға қызмет көрсету. Бүгінде елімізде дүниежүзілік озық тәжірибеге сәйкес алғашқы медициналық-санитарлық көмекті жалпы практика дәрігері, мейіргерлер, әлеуметтік қызметкерлер мен психологтар, сондай-ақ басқа да мамандар көрсетеді. Бұл тұрғындарға бір мезетте медициналық, әлеуметтік, білім беру сынды қызметтер көрсетіледі. Қазіргі уақытта барлық ауылдық өңірлерде алғашқы медициналық-санитарлық көмектің «Адамға бағдарланған тәсіл» үздік тәжірибесі табысты енгізілуде. Оның басым бағыттары: инфекциялық емес ауруларды ерте анықтау, дұрыс тамақтану, салауатты өмір салтына үйрету, қан айналым жүйесі аурулары кезінде шұғыл көмек, медициналық қызметтер көрсету сапасын жақсарту үшін пациенттер мен халықпен тығыз қарым-қатынас орнату. Мұндай озық тәсіл Алматы, Жамбыл, Түркістан, Қарағанды және тағы басқа облыстарда тиімді енгізілген, - деп атап өтті ведомство басшысы.
Айтуынша, Алматы облысында алғаш рет медициналық-санитарлық көмек көрсететін алаң ашылған.
Алматы облысының Еңбекшіқазақ ауданының көп салалы ауданаралық ауруханасы Дүниежүзілік денсаулық сақтау ұйымының Еуропалық өңіріне мүше 53 мемлекет үшін алғашқы медициналық-санитарлық көмектің үздік тәжірибесінің әлемдегі алғашқы демонстрациялық алаңы ашылды. Еңбекшіқазақ ауданы табысты нәтижелер көрсетіп отыр. Мысалы, алғашқы медициналық-санитарлық көмек мейіргерлері мен әлеуметтік қызметкерлеріне көмек сұрап жүгінгендердің саны 100 есе ұлғайды, отбасылық дәрігерлерге жүгінгендердің саны үш есе ұлғайды. Бейінді мамандарға жүгінгендердің саны 50%-ға азайды. Бұл модель барлық емханаларда енгізілуде. Аталған алаң Дүниежүзілік денсаулық сақтау ұйымы Еуропалық өңірінің үш елінде: Қазақстан, Испания және Швецияда жұмыс істейді, - деп түсіндірді министр.
Еске сала кетейік, бұған дейін Ажар Ғиният ауылдарда медицина мамандарының жеткіліксіздігі бар екендігін айтқан болатын.
