11 мамырда Мексиканың Веракрус штатында мерекелік сайлау шеруі кезінде әкімдікке үміткерді атып кетті, деп хабарлайды BAQ.KZ.
CNN хабарлауынша, Facebook желісіндегі тікелей эфир сол күнгі қанды оқиғаны түсіріп алған.
Видеодан Есения Лара Гутьерреске қолдаушылар керуені қоршалған Текситепек көшелерімен өтіп бара жатқанда тұрғындармен амандасып жатқанын көрсетті.
Жиналғандар көңілді болған және кенеттен камерадан оқ дауыстары естілгенде, олардың қуаныштары су сепкендей басылған.
Мексика президенті Клаудиа Шэйнбаум 12 мамырда таңертеңгі баспасөз мәслихатында шабуылдың болғанын растап, оның себебі туралы әзірге ақпарат жоқ екенін айтты.
Қала мэріне кандидат, штаттың бас прокуратурасының мәліметінше, атыс кезінде қаза тапқан төрт адамның арасында болды. Тағы үш адам жарақат алды.
Құзырлы органдар бұл істі тексеріп, әділдік орнатуға уәде беріп жатыр. Саяси кандидаттарға шабуыл Мексикадағы сайлау циклдары кезінде жиі кездеседі.
