Күршім өзенінің ластануының жаңа фактілері анықталды

21 Қазан 2021, 12:10
3088
Бөлісу:
Күршім өзенінің ластануының жаңа фактілері анықталды

Нұр-Сұлтан, BAQ.KZ. Жақында әлеуметтік желіде Шығыс Қазақстан облысындағы Күршім өзенінің ластануы туралы видео тараған еді. 

Осыған байланысты Шығыс Қазақстан облысы бойынша Экология департаменті жергілікті ІІБ және прокуратура қызметкерлерімен бірлесіп оқиға орнына дереу барды. 

Күршім өзенінің арнасын Маралды ауылына қарай тексеру барысында өзеннің Киінсу өзені ағатын жерде (Маралды ауылынан шамамен 12-15 км) ластану фактісі тіркелді, бұл ретте Күршім өзенінің суы Киінсу өзені ағатын жерден жоғарысы - таза.

Осыған байланысты жедел топ Маралды ауылының маңында орналасқан «Маралихаголд» ЖШС бағалы металдарды барлау және өндіру орнын қарап шықты. 

Жүргізілген тексеру 2-3 тұндырғышта кенді байыту кезінде бұрын пайдаланылған су жоқ екенін көрсетті.

«Маралихаголд» ЖШС жұмысшыларының айтуынша, 14 қазан күні өндірісте пайдаланылған су «Васильев» қайнарына түскен. «Васильев» қайнарының суы «Бугуль» қайнарына құяды, ол Киынсу өзеніне, ал ол өз кезегінде Күршім өзеніне құяды. 

Аталған факті АІІБ ақпаратты есепке алу кітабында тіркелген. Жиналған материал Экология департаменті мен Ертіс бассейндік инспекциясына жіберілді. 

Қабылданған шаралар туралы ақпарат қосымша хабарланатын болады.

 

 



Өзгелердің жаңалығы