Кәмелетке толмаған талдықорғандық қыз Алматыдан табылды

18 Қаңтар 2024, 15:47
482
Бөлісу:
Кәмелетке толмаған талдықорғандық қыз Алматыдан табылды
Фото: BAQ.KZ - архив

Бір апта бұрын жоғалып кеткен 17 жастағы талдықорғандық  Алматыдан табылған, деп хабарлайды Алматыдағы BAQ.KZ тілшісі.

Бұл туралы Жетісу облыстық полиция департаменті мәлімдеді. 

Полицейлердің хабарлауынша, жедел-іздестіру шаралары барысында Жетісу өңірінің тәртіп сақшылары Қаратал ауданында із-түзсіз жоғалып кеткен кәмелетке толмаған қыздың жүрген жерін анықтады.

Кеше, яғни 17 қаңтарда, жоғалған қыздың орналасқан жері анықталды, ол Алматы қаласында болған. Полицейлер кәмелетке толмағанды Үштөбеге жеткізіп, анасына тапсырды, – деп хабарлады облыстық Криминалдық полиция басқармасының бастығы Талғат Беркінбаев.

Еске сала кетейік, 10 қаңтарда Талдықорғаннан Алматыға кеткен бойжеткен байланысқа шықпай, жоғалып кеткенін хабарлаған едік.

Өзгелердің жаңалығы