Іс жүзінде қайшылықтар пайда болды. Министр ашығын айтты

16 Қыркүйек 2020, 11:36
2011
Бөлісу:
Іс жүзінде қайшылықтар пайда болды. Министр ашығын айтты

Нұр-Сұлтан, BAQ.KZ тілшісі. «ҚР кейбір заңнамалық актілеріне мәдениет мәселелері бойынша өзгерістер мен толықтырулар енгізу туралы» заң жобасында мемлекеттік тапсырыспен кітабын шығарған авторларға өздері де қайта басып шығарып, заңға сай таратуға рұқсат етілмек.

2017 жылы депутаттық корпустың арқасында алғаш рет заңнамалық деңгейде авторларға қоғамдық маңызы бар әдебиет үшін қаламақы төлеу тәжірибесі енгізілді. Бұл - басқа елдерде болмаған жағдай. Алайда, іс жүзінде қайшылықтар пайда болды. Атап айтқанда, автордан әдебиеттерді сатып алу авторлық құқықтың барлық мерзіміне мемлекетке авторлық құқықты беруді көздейді. Ол - автордың өмір сүрген кезіндегі мерзім және одан кейінгі 70 жыл. Бұл тұрғыда мемлекет әдебиетті оны мемлекеттік кітапханаларға өтеусіз негізде тарату үшін ғана сатып алатынын айта кеткен жөн, - деді Ақтоты Райымқұлова Мәжілістің жалпы отырысында. 

Оның айтуынша, өз кезегінде автордың туындысын қайта шығаруға немесе кітап дүкендеріне сатуға немесе оны басқа жолдар арқылы сатуға құқы жоқ. 

Бұл жағдайда мемлекеттің халыққа мәдени өнімнің қолжетімділігін қамтамасыз ету жөніндегі міндеті орындалмайды, керісінше, шектеліп отыр. Осыған орай, жобада еліміздің кітапханаларына әдебиетті басып шығару және тарату мақсатында автордан әдебиеттерді белгілі бір мерзімге сатып алу қарастырылып отыр. Одан әрі автор оны басып шығаруға және Қазақстан Республикасының заңдарымен тыйым салынбаған кез келген басқа жолдармен таратуға құқылы болады, - деді министр.

Өзгелердің жаңалығы