Нұр-Сұлтан, BAQ.KZ. Еліміздің ішкі істер министрлігінің мемлекеттік қызметшісі сайлау заңнамасының конституциялық негіздері бойынша ең жоғары балл жинады. Бұл туралы ҚР ІІМ баспасөз қызметі хабарлады.
ІІМ-де сайлау заңнамасының конституциялық негіздерін білуге онлайн-тестілеудің жеңімпазына наградалар тапсырылды.
Байқауды Қазақстан Республикасының Конституция күніне орай Орталық сайлау комиссиясы ұйымдастырды.Оған министрліктер мен жергілікті атқарушы органдардан 200-ден астам жас мемлекеттік қызметші қатысты.
«Онлайн-тестілеудің нәтижелері бойынша барлық мемлекеттік қызметшілердің арасынан ІІМ Тыл департаментінің сарапшысы Зарина Сейітжанова ең жоғары балл жинады. Жеңімпазға ҚР Орталық сайлау комиссиясы төрағасының атынан диплом және Ішкі істер министрлігінің Алғыс хаты табыс етілді»,- делінген хабарламада.
