Облыс әкімі Ералы Тоғжанов жол апатынан зардап шегіп, қажетті ем алып жатқан 8 баланың жағдайын білу үшін облыстық балалар ауруханасына барды, деп хабарлайды BAQ.KZ.
Облыстық балалар клиникалық ауруханасында өңір басшысына жан сақтау бөліміндегі бес баланың жағдайы туралы баяндалды. Барлығы тұрақты ауыр жағдайда.
![Ералы Тоғжанов облыстық балалар ауруханасына барды](/userfiles/images/photo1671355031%20(1).jpeg)
Үш баланың жағдайы орташа, олар хирургиялық бөлімде ем алуда.
Балалардың ата-аналарымен кездескен өңір басшысы зардап шеккендерге жан-жақты медициналық көмек көрсетілетінін және олардың жағдайы тәулік бойы бақылауда екенін жеткізді. Олар жатқан аурухана барлық қажетті құрал-жабдықтармен және дәрі-дәрмекпен қамтамасыз етілген. Ералы Тоғжанов денсаулық сақтау басқармасының басшылығына балаларға жоғары білікті медициналық көмек көрсетуді тапсырды, - деп хабарлады Ақтөбе облысы әкімі аппараты басшысының орынбасары Ержан Байтанаев.