Елімізде киім және тоқыма бұйымдарын таңбалайтын пилоттық жоба іске қосылды

22 Ақпан 2021, 11:56
1764
Бөлісу:
Елімізде киім және тоқыма бұйымдарын таңбалайтын пилоттық жоба іске қосылды

Нұр-Сұлтан, BAQ.KZ. Пилоттық жоба 2021 жылдың 31 желтоқсанына дейін жүзеге асырылады. Қазіргі таңда жобаға 15 компания қосылды, олардың ішінде киім, сондай-ақ сыртқы киімдер мен тоқыма бұйымдарын өндірушілер мен импорттаушылар қатысады. Бұл туралы Цифрлық экономиканы дамыту орталығының баспасөз қызметі хабарлады.

Жоба қатысушылары арасында қазақстандық «Семирамида», «Большевичка», «KAZTEX», «Әлем-БТ», «Техноавиа-Қазақстан», «АГФ Групп», «Glasman» тігін фабрикалары, киім және тоқыма импорттаушылар бар. Жобаны іске асыру барысында өндірушілер мен импорттаушылар өнімді Data Matrix кодымен таңбалауға арналған арнайы жабдықты тегін алады.

Data Matrix кодын алу мақсатында әр тауар туралы ақпарат Тауарларды таңбалау мен олардың қадағалануының ақпараттық жүйесіне енгізілетін болады. Онда өндіруші, импорттаушы, тауар топтамасының сериялық нөмірі туралы цифрлық ақпарат және оның орын ауыстыруын бақылау үшін қажетті өзге де мәліметтер «қорғалады». Data Matrix кодын криптоқорғау арқасында өнімді қолдан жасап алудан да қорғайды, - делінген ақпараттық хабарламада.

Кейіннен өнімдер сату бөлімдеріне түседі, содан кейін 2D сканер немесе Naqty Sauda мобильді қосымшасы арқылы айналымнан шығарылады.

Жобаның әрбір қатысушысы үшін таңбалау процестерін енгізу бойынша жеке жол картасы әзірленетін болады. 

Пилоттық жобаға қатысу - бұл бизнес үшін таңбалаудың барлық ерекшеліктерін алдын ала білуге, өндірістегі барлық процестерді реттеуге, кәсіпорынның жаңалықтарға дайындығын тексеруге, «қиындықтарды» анықтауға және таңбалау міндетті болғанға дейін оларды жоюға жақсы мүмкіндік. Қазақстанда таңбалау жобасын енгізу жөніндегі оператор ретінде біз үшін «пилоттық жоба» – Тауарларды таңбалау мен олардың қадағалануының ақпараттық жүйесінің жұмысын бизнеспен сынап көрумен қатар сынақ режимде өндірушіден тұтынушыға дейінгі өнім өтетін логистикалық тізбектің барлық кезеңдерінде тауардың әрбір бірлігінің қадағалануын бағалау мүмкіндігі туды. Біз кәсіпкерлерді жобаға қатысуға шақырамыз, - деп атап өтті Цифрлық экономиканы дамыту орталығының бас директоры Бикеш Құрманғалиева.

Таңбалау заңсыз айналымды азайтуға және нарықтан сертификатталмаған және сапасыз өнімді шығаруға, сондай-ақ қатысушылардың бәсекеге қабілеттілік деңгейін арттыруға арналған. 

Сарапшылардың бағалауы бойынша Қазақстандағы киім нарығының 58%-ы көлеңкелі импортқа тиесілі. Ресми деректер бойынша 2019 жылы киім нарығы және тоқыма бұйымдарын ақшалай түрде 977,5 млн теңгеге бағаланды. Сауданы «ағарту» нәтижесінде 2025 жылы нарық көлемінің болжамы бойынша көрсеткіштер 33-82 млрд теңгені құрауы мүмкін.

Қазақстанда міндетті таңбалау темекі өнімдері үшін енгізілді. 

Таңбаланбаған тауарлар 2021 жылдың 1 қазанына дейін сатылады деген жоспар бар. Осы өтпелі кезеңнен кейін дүкендерде болатын барлық таңбаланбаған темекі өнімдері контрафакт болып саналады. Жақында аяқ киімді таңбалау бойынша пилоттық жоба аяқталды. Оған 5 отандық өндіруші және 16 импорттаушы қатысты. Тауарлардың осы тобына міндетті таңбалауды енгізу 2021 жылдың екінші жартысында жоспарланып отыр. Қазіргі уақытта фармацевтикалық препараттарды, алкоголь және сүт өнімдерін таңбалау бойынша «пилоттар» сатылуда.

Өзгелердің жаңалығы