Нұр-Сұлтан, BAQ.KZ. Қазақстанның Тұңғыш Президенті – Елбасы Нұрсұлтан Назарбаев белгілі қазақстандық журналист, Informburo.kz ақпараттық-талдау интернет-порталының бас редакторы Михаил Дорофеевтің қайтыс болуына байланысты марқұмның туыстары мен жақындарына көңіл айтты.
Ол үлкен тәжірибеге ие, өз ісінің маманы болды. Қазақстан Республикасы Президентінің БАҚ саласындағы сыйлығының лауреаты, Журналистика Академиясының академигі, ұлттық қоғамдық сенім кеңесінің мүшесі болды. Михаил Дорофеев отандық медиа саласының дамуына елеулі үлес қосты, сапа мен кәсіпқойлықтың жаңа стандарттарын енгізуге ықпал етті, - делінген жеделхатта.
Айта кетейік, бұған дейін Мемлекет басшысы Қасым-Жомарт Тоқаев та марқұмның туыстарына көңіл айту
жеделхатын жолдаған болатын.
