ДКО. Алғашқы алтын құтты болсын!

2 Қазан 2022, 14:07
4896
Бөлісу:
ДКО. Алғашқы алтын құтты болсын!

Бүгін Түркияда өтіп жатқан IV Дүниежүзі көшпенділер ойындарында ел қоржынына алғашқы алтын түсті, деп хабарлайды BAQ.KZ тілшісі.

Ел мерейін еселеген – Қазақ күресінен 60 келі салмақ дәрежесінде өнер көрсеткен балуан Марат Нығматуллаев.

Бұған дейін хабарлағанымыздай, Қазақ күресі бойынша ел намысын - 80 келіден жоғары салмақта – Мақсат Исағабылов, 80 келіде – Еламан Қойшыбаев, 60 келіде – Марат Нығматуллаев қорғаса, қыздар арасында 55 келіде – Нұрмахамметова Рауза, 65 келіде – Сарипова Зарина және 65 келіден жоғарғы салмақта – Азамат Мөлдір шаршы алаңға шықты.

ДКО. Алғашқы алтын құтты болсын!

Қазақ күресіне әлемнің 20-ға жуық елінен 60-тан астам балуан белдессе, биыл алғаш рет жарыс сапына қосылған қазақ күресінен қыздар арасындағы бәсекеге 19 бұрымды бағын сынады.

Ал бүгінгі алтыннан алқа таққан жерлесіміз Марат Нығматуллаев финалда моңғол балуанын 2 минутта "таза жеңіспен" ұтты.

Естеріңізде болса, бұған дейін ДКО-да еліміз екі күміске ие болған болатын. Оның бірі – Дәстүрлі садақ атудан бұйырса, екіншісі – жамбы атудан түскен болатын.

Ал дәл қазіргі сәтте Түрияның Изник қаласында көкпарсүйер қауым көптен күткен Қазақстан-Қырғызстан тартысы басталды. Көкпар мен көкбөрінің мықтылары өзара үздікті анықтау үшін барын салары анық.

Өзгелердің жаңалығы