Бангкоктың қылмыстық соты 28 наурыздағы жер сілкінісі кезінде салынып жатқан зәулім ғимараттың қирауына байланысты құрылыс магнаты Премчай Карнасутаны қоса алғанда, 17 адамды қамауға алу туралы ордер берді, деп хабарлайды BAQ.KZ.
Бұл туралы Bangkok Post агенттігі жазды.
Итальялық-Тайландтық даму PCL басшысы, 71 жастағы Премчай Карнасут және тағы 16 күдікті адам өліміне әкеп соқтырған кәсіби салғырттығы үшін Қылмыстық кодекс бойынша айыпталды.
Күдіктілер арасында инженерлер, басшылар мен мердігерлер бар.
Тергеу барысында зәулім ғимараттың өрескел заңбұзушылықтармен салынғаны анықталды: ғимарат жобасы қауіпсіздік талаптарына сай келмеген, құрылысшылар да сапасыз бетон мен болат пайдаланған.
13 мамырда Бангкок губернаторы Чадчарт Ситтипунт қираған жерде алты аптаға созылған іздеу операциясының аяқталғанын жариялады. Соңғы мәліметтер бойынша, 30 қабатты ғимараттың опырылуы салдарынан 89 адам қаза тауып, тоғызы жараланып, жетеуі із-түзсіз жоғалған.
Мьянмадағы 7,7 балдық күшті жер сілкінісі Бангкокта салынып жатқан 30 қабатты зәулім ғимараттың құлауына себеп болды. Бұл ел астанасындағы жалғыз ғана құлаған ғимарат болды.
