Астаналық өрт сөндірушілер елорданың оң жағалауындағы өртті сөндірді, деп хабарлайды BAQ.KZ тілшісі.
Бұған дейін бас қаланың оң жағалауында болған өрт бойынша жаңа деректер пайда болған еді. Өрттің шығуы мен зардап шеккендердің бар-жоғын анықтау үшін Астана қаласы ТЖД баспасөз қызметіне хабарластық.
Өрт сөндірушілер келген кезде 8 бөшке жанғыш сұйық-бензиннің тұтанғаны анықталған. Өрт Екі қабатты коттедждің шатырына және жеке тұрғын үйдің шатырына өтті. Саяжай шатырының жанған ауданы 300 шаршы метр, жатақхананың шатыры 500 шаршы метрді құрады. Өрт сөндірушілер өртті сағат 15:47-де сөндірді. Өртті сөндіруге Астана қаласы Төтенше жағдайлар департаментінің жеке құрамының 74 адамы мен 14 техникасы жұмылдырылды. Құрбандар мен зардап шеккендер жоқ, - деді қалалық ТЖД баспасөз қызметі.
Айта кетейік, бұған дейін елордадағы дөңгелек сататын дүкеннің өртеніп жатқан видеосы тараған болатын.
