Ақтауда жануарлар құқығын қорғаушылар бұралқы иттердің өлексесін видеоға түсіріп алған, деп хабарлайды BAQ.KZ.
Lada.kz-тің хабарлауынша, жануарлар құқығын қорғаушылар бұл иттер жақында Мұнайлы ауданында атылған деп есептейді.
Мен, барлық үй жануарларын қорғаушылар мен түсінігі бар адамдар сияқты зарарсыздандыруға бөлінген ақша өз мақсатына жұмсалмай, шенеуніктердің қалтасына түседі деп есептеймін. Мүлдем ештеңе жасалмайды. Тек үнемі адамдарды алдайды, - дейді жануарлар құқығын қорғаушы Татьяна Ткач.
Адамдар ит атумен айналысқандарды түсіріп үлгерген. Олардың тіркемесінде бірнеше өлі ит болған.
Сонымен қатар, 2011, 2015, 2020 және 2022 жылдары билік Ақтауда жануарларға арналған крематорий сатып алғанын хабарлады. Бірақ бүгінгі күнге дейін оны істеп тұрғанын ешкім көрген жоқ. Жануарларды қорғаушылар облыс әкімдігі мен полиция қызметкерлерінің осыған назар аударуын сұрайды.
Олар өртенбейді, жерленбейді, бірақ олар шіріп, түрлі инфекцияны таратсын деп қала сыртына лақтырылады. Шынымды айтсам, бұл - барып тұрған бассыздық. Егер олар жануарлардың өлексесін утилизациялай алмаса, олардан не талап ете аламыз? Адамгершілікке жатпайтын қатыгездік шектен тыс шығып бара жатыр, - дейді қоғам қайраткері және блогер Азамат Сәрсенбаев.
