Кушукова Жанель Сабырқызы

Қазіргі лауазымы: ҚР Сауда және интеграция вице-министрі

Туған жері: Петропавл қаласында туған. 

Білімі: Қозыбаев атындағы Солтүстік Қазақстан мемлекеттік университетін бітірген. 

2001 жылы Қазақстан Республикасы Экономика және сауда министрлігі Демпингке қарсы бақылау комитетінің ішкі нарықты қорғау жөніндегі жетекші сарапшысы ретінде бастады. 

2002-2004 жж. - Қазақстан Республикасы Индустрия және сауда министрлігі Сауда, халықаралық ынтымақтастық және экспорттық бақылау департаментінің Кедендік және тарифтік саясат бөлімінің жетекші маманы.

2004-2008 жж. - ДСҰ-ға кіру департаментінің Кедендік-тарифтік реттеу бөлімінің бастығы, басқарма басшысының орынбасары, басқарма басшысы.

2008-2010 жж. - Қазақстан Республикасы Индустрия және сауда министрлігінің Сыртқы сауда саясаты департаментінің директоры.

2010-2019 жылдары Қазақстан Республикасы Ұлттық экономика министрлігінің Сыртқы сауда саясатын дамыту департаментінің директоры қызметін атқарды.

2019 жылдан бастап ҚР Сауда және интеграция вице-министрі