Алматы облысында жауын-шашынның салдарынан облыстық маңызы бар «Ұзынағаш – Бесмойнақ» автожолында сел жүрді, деп хабарлайды BAQ.KZ.
Әлеуметтік желіде төтенше жағдайдың видеосы шықты.
Алматы облысы ТЖД-ның мәліметінше, 21 шілде, сағат 16:52-де Алматы облысы ТЖД кезекші бөліміне Жамбыл ауданы, Дегерес ауылдық округінің Қараарша ауылының елді мекенінде нөсер жауын-шашынның салдарынан еңіс ағыны болғаны туралы хабарлама түсті. Оқиға орнына Алматы облысы ТЖД мен Жамбыл ауданының жергілікті атқарушы органдарынан 30 адам және 2 бірлік техника дереу оқиға орнына жіберіледі.
Жауын-шашынның салдарынан және таулы өзендердің беткейлерінде 36 шақырым (Шиен ауылы) және 54 шақырым (Қараарша ауылы) «Ұзынағаш-Бесмойнақ» облыстық маңызы бар автокөлік жолында ағынының қалыптасуы нәтижесінде тасқын судың автожолды шайып кеткені анықталды. Қолданыстағы жасанды құрылыстар (құбырлар) су ағынына төтеп бере алмады. Нөсерлі кәріз жүйесі және жасанды құрылыстар (құбырлар) жоқ, сол себепті су ағынын ағызу жол төсемі арқылы жүреді. Жол бойында әртүрлі фракцияның лайлары мен тастарынан шөгінділер пайда болды. Нәтижесінде автожолдың осы учаскелерінде көлік қозғалысы жабылды. Сондай-ақ орташа қысымды газ құбырының учаскесі (шамамен 70-80 метр) бүлініп, Шиен ауылының орталық көшесіндегі 40-қа жуық үйдің ауласындағы құрылыстарды су басты, - деп хабарлады ТЖД-дан.
Шиен ауылының халық саны – 2 704, Қараарша ауылының халық саны – 237 адам. Қазір Ұзынағаш ауылында орналасқан ҚР ТЖМ 28237 әскери бөлімінің жеке құрамнан 30 адам, ТЖБ және №4 ӨСБ 20 қызметкері және техника, сондай-ақ жергілікті атқарушы органдарынан 20 қызметкер және көмекші техника оқиға орнына барды.
Оқиға орнында аудан әкімі, аудандық төтенше жағдайлардың алдын алу және жою жөніндегі комиссия тиісті жұмыстар жүргізіп жатыр.
Ұзынағаш – Бесмойнақ» облыстық маңызы бар автокөлік жолының 54 шақырым (Қараарша ауылы) жол қозғалысы қалыпқа келтірілді. Жол төсемінде тастар мен балшықтан тазарту, Ұзынағаш-Бесмойнақ тас жолының құбырлы өткелін тазалау, сондай-ақ су басқан үйлердің ауласында су айдау жұмыстары жүргізіліп жатыр. Тазалау және қалпына келтіру жұмыстары кезінде авариялық қызмет қызметкерлері 3 елді мекенді (Сұңқар, Қарарша, Бесмойнақ) газбен жабдықтаудан ажыратты. Қазір «Тәуекел газ» ЖШС пайдаланушы ұйымы апаттық учаскеге газ құбыры желілерін қалпына келтіру бойынша топты жіберді. Қазіргі кезде судын деңгейі төмендеді. Қаза тапқандар мен зардап шеккендер жоқ, - деп хабарлады Алматы облысы ТЖД баспасөз қызметі.
