Алматыда құрылыс материалдарын сататын дүкенде өрт шықты. Өрт сөндірушілер тілсіз жауды 20 минут ішінде сөндірді, деп хабарлайды BAQ.KZ.
Алматы қалалық ТЖД хабарлауынша, бүгін сағат 16:16 шамасында өрт сөндіру бригадасы Түрксіб ауданы «Қайрат» ықшамауданы, Түркістан көшесі 27 мекенжайына жоғары ранг бойынша шақыртуға шықты.
Оқиға орнына 6 минутта келген өрт сөндірушілер құрылыс материалдарын сататын дүкен аумағының 150 шаршы метр жері ашық жалынмен жанып жатқанын анықтады. Қабылданған шаралар арқасында 16:33-те өртті ауыздықталып, 16:42-де толық өшірілді, – деп хабарлады департаменттен.
