Нұр-Сұлтан, BAQ.KZ. Республикалық күрес федерациясы биылғы жылғы ел чемпионаты 19-26 қараша аралығында Алматыдағы "Достық" спорт кешенінде өтетінін ресми түрде растады.
Әлемді жайлаған пандемия дертіне байланысты бұл жарыс та көрерменсіз өтеді. Қатысушы команданың әр мүшесінің міндетті түрде ПТР сынағының теріс нәтижесі туралы анықтамасы болуға тиіс.
Чемпионат еліміздегі коронавирустық инфекцияның пайда болуы мен таралуының алдын алу жөніндегі ведмоствалық комиссия отырысының хаттамасындағы барлық санитарлық талаптарға сәйкес және UWW бекіткен ережеге сәйкес өткізіледі. Грек-им және еркін күрес шеберлеріне бір кило артық салмақ рұқсат етіледі. Әйелдер күресі өкілдеріне ондай жеңілдік берілмейді.
Сонымен қатар, төрешісі жоқ өңірлердің командалары чемпионаттан шеттетіледі. Міне, ел біріншілігіне қатысушыларға осындай талаптар қойылып отыр.
