Нұр-Сұлтан, BAQ.KZ. Алимент аз төлеу үшін баласынан 8 млн-нан аса теңге табысын жасырған борышкер анықталды. Бұл туралы Сот орындаушылар палатасының баспасөз қызметі хабарлады.
Алимент аз төлеу үшін немесе мүлде төлемеу үшін борышкерлер түрлі қулыққа барады. Біздің елде бұл - қайғылы тәжірибе. Жеке кәсібі бар Ақтөбе тұрғыны өзіне ең төменгі жалақы белгілеп, баласынан үш жыл ішінде 8 158 863 теңге алимент жасырған. Ақиқат жеке сот орындаушының араласуынан кейін ашылды, - делінген хабарламада.
Сот орындаушы кәсіпкердің кірісін тексерген.
Борышкер ЖСО әрекетіне сотқа шағымданған, бірақ ол қанағаттандырылмады. Борышкердің жүргізуші куәлігін уақытша тоқтатуға ЖСО ұсыныс жолдағаннан кейін ғана ер адам қарызын толығымен өтеген.
