Инклюзивті білім беру жүйесін жақсарту бойынша елімізде біршама шаралар қабылданған, деп хабарлайды BAQ.KZ тілшісі.
Инклюзивті білім беру жүйесін жақсартуда еліміздің біршама өңірінде психологиялық-медициналық-педагогикалық консультация ашылады (ПМПК). Яғни 2025 жылға дейін 33 ПМПК ашу жоспарланған.
Солардың ішінде биыл Астана қаласында – 1, Алматы - 1, Жамбыл облысында - 1, БҚО -1, Павлодар -1, Түркістан облысында -1 ПМПК ашылады.
Осы орайда ПМПК желісі 75 бірліктен 93 бірлікке дейін көбейеді.
Психологиялық-медициналық-педагогикалық консультациялардың (ПМПК) қызметі медициналық модельден, диагноз қоюдан педагогикалық модельге, яғни ерекше білім беру қажеттіліктерін бағалауға қайта форматталған. Ол үшін ПМПК зерттеу бағдарламалары әзірленді, - дейді Арнайы және инклюзивті білім беруді дамытудың Ұлттық ғылыми-практикалық орталығы» РММ директоры Әйгерім Кудеринова.
Бұған дейін хабарлағанымыздай, қазір елімізде 18 жасқа дейін мүмкіндігі шектеулі 188 144 бала бар.
