Нұр-Сұлтан, BAQ.KZ. "Қазгидромет" РМК синоптиктері 12 қаңтарда болатын ерекше метеорологиялық құбылыстарға болжамын ұсынды.
Республиканың басым бөлігінде фронтальді бөліктер әлі де өз ықпалын сақтайды. Соған байланысты кей жерде қар жауады, оңтүстікте жауын-шашын (көбінесе қар) жауады. Кей жерде тұман күтіледі, жел күшейеді, оңтүстікте және оңтүстік-батыста көктайғақ байқалады, Атырау және Шығыс Қазақстан облыстарында кей жерде жаяу бұрқасын күтіледі, - делінген хабарламада.
Атырау, Жамбыл облыстарының кей жерінде тұман, көктайғақ күтіледі, Атырау облысының күндіз кей жерінде - бұрқасын болады, жел 15-20 м/с күшейеді.
Шығыс Қазақстан облысының кей жерінде тұман, бұрқасын, желдің күші 15-20 м/с дейін күтіледі.
Түркістан, Маңғыстау облыстарының кей жерлерінде тұман, көктайғақ күтіледі, жел 15-20 м/с күшейеді.
Алматы облысының Жаланашкол ауданында жел 18-23 м/с күшейеді, түнде кей жерінде тұман күтіледі.
Қызылорда облысының кей жерінде тұман, түнде көктайғақ күтіледі.
Ақмола, Батыс Қазақстан, Қостанай, Солтүстік Қазақстан, Қарағанды облыстарының кей жерінде тұман күтіледі.
