Елімізде 117 мың адам шетелге шыға алмайды. Бұл туралы BAQ.KZ qazaqstan.tv жаңалықтарына сүйеніп хабарлайды.
Борышкерлер тізіміне енген соң, оларға шекара асуға шектеу қойылды. Әділет министрлігінің хабарлауынша, олардың жалпы қарыз көлемі 2 триллион теңгеден асты. Арасында 223 адам шетел азаматы. Олар алимент, салық, айыппұл мен несие төлеуден жалтарып жүргендер.
Айта кетерлігі, елден шығуға шектеу қойылғандардың басым бөлігі ер адам. Ал министрлік өкілдері шетелге шығарда алдымен борышкерлер реестріне өзіңіздің жеке сәйкестендіру нөміріңізді енгізу арқылы бар жоғыңызды тексеріп көруге кеңес беріп отыр.
