Нұр-Сұлтан, BAQ.KZ. Қазақстанның ауыр атлетика құрамасының өкілі Зүлфия Чиншанло Ауыр атлетикадан халықаралық кубокта күміс медаль еншіледі. Бұл туралы бүгін Ұлттық олимпиада комитеті хабарлады.
Бұл жарыс – осы спорт түріндегі онлайн режимде өткен ең алғашқы бәсеке. Өзбекстан Республикасы тәуелсіздігінің 29 жылдық мерейтойына орай ұйымдастырылып отыр.
Чиншанло 55 келіге дейінгі салмақ дәрежесінде өнер көрсетті. Қоссайыс нәтижесінде, қазақстандық спортшы 200 келі (85+115) салмақты көтерді. Бірінші орынды өзбекстандық Муаттар Нәбиева (205 келі) жеңіп алды. Ал польшалық Йонна Лочовска 185 келіні еңсеріп, үздік үштікті түйіндеді.
