Нұр-Сұлтан, BAQ.KZ тілшісі. 2021 жылы Жер кодексінің жекелеген нормаларына Елбасы жариялап кеткен мораторий аяқталады. Президент Қасым-Жомарт Тоқаев осыған қатысты бүгін Үкіметке тапсырма берді.
Ауыл шаруашылығын дамыту барысында жер қатынастары маңызды рөл атқаратыны белгілі. Биыл Жер кодексінің жекелеген нормаларына жарияланған мораторийдің мерзімі аяқталады. Осыған орай жер жөніндегі комиссияның жұмысын жандандыру қажет. Ұсыныстар байыппен талқыланып, түбегейлі шешім қабылдануы тиіс. Үкіметке биыл қараша айына дейін Жер кодексіне түзетулер енгізілуін қамтамасыз етуді тапсырамын, - деді Қасым-Жомарт Тоқаев.
Айта кетейік, жалпы Тоқаев Президент болғалы «Жер шетелдіктерге сатылмайды» деп келеді.
