Нұр-Сұлтан, BAQ.KZ. Осы жылдың наурыз айында Жаңаөзенде мүгедек балаларға арналған «Балақай» оңалту орталығы ашылды. Орталықтың кең жарқын ғимараты бірнеше кабинеттерден тұрады және әр маман жеке сабақтар мен оңалту жұмыстарын жүргізеді.
Орталық кешенді көмек көрсетеді, оған 9 қызмет кіреді: емдік дене шынықтыру, гидротерапия, физиотерапия, массаж, арнайы жабдықтағы иппотерапия, сондай-ақ психологиялық-педагогикалық түзету.
Жақында Дұрысбаевтар отбасы қуанышты оқиғаны атап өтті. Олардың 2 жасқа толған ұлы Алтынбек алғашқы қадамдарын жасады. Бірақ церебральды сал ауруы (спастикалық диплегия) диагнозы бар Алтынбек үшін бұл нағыз жеңіс.
Алтынбекті емдеу үшін біз қайда ғана бармадық?! Нұр-Сұлтан және Алматы қалаларындағы ірі орталықтарда оңалту курстарынан өттік. Бірақ бұл республикалық орталықтар, онда тұрақты кезектер бар, ал церебралды сал ауруы бар балалар үшін оңалту жүйелі болуы керек. Оның үстіне, үйдің тірлігі, шаруашылық, жолға көтетін шығын бар. Сондықтан Жаңаөзенде орталықтың ашылуы біз үшін нағыз сый болды, - дейді Алтынбектің анасы Биалай Дұрысбаева.
Алтынбек анасымен бірге «Балақай» орталығына алғаш ашылған күннен бастап бара бастады. Мұнда олар тегін көмек алады, ең жақсы мамандар – реабилитолог, логопед, психолог, массажист, жаттығу терапиясының нұсқаушысы баламен жұмыс жасайды.
Балаңыз аяққа тұрып, жүре бастауы - бұл үлкен бақыт. Осы іс-шараның құрметіне біз дәл осы орталықта «тұсау кесу» рәсімін өткіздік. Мамандарға олардың кәсібилігі мен көңіл бөлгені үшін әрқайсысына өте ризамын, осы орталықты ашқан демеушілерге алғысымды айтамын. Балаларымыздың дені сау болу мүмкіндігіне ие болғаны үшін ризамын, - дейді Алтынбектің анасы.
Биалай Дурысбаеваның айтуынша, Алтынбекті оңалтуда ЕДШ нұсқаушысымен тұрақты сабақтар маңызды рөл атқарды. Айта кету керек, орталықта Жаңаөзен қаласының үздік маманы Оңдасын Аманжолов жұмыс істейді, соның арқасында көптеген балалар аяққа тұрып, алғашқы қадамдарын жасады.
Біздің ісімізде кәсібилік қана емес, мейірімді жүрекке ие болу да маңызды. Егер балаға және оның ата-анасына жанашырлық танытпасаңыз, ешқандай нәтиже болмауы мүмкін. Тағы бір маңызды мәселе - бұл жауапты жұмыс «немқұрайлы» көзқарасты толығымен жояды, - дейді маман.
Маманның айтуынша, нәтижеге қол жеткізу үшін 100 пайызға жұмыс істеу керек.
Менің жұмысымда Алтынбек жүре бастаған алғашқы бала емес. Мұндай жағдайларда мен әрдайым шынайы қуанышқа бөленемін. Өзінің сүйікті балаларының денсаулығына байланысты үмітін үзіп, еңсесі түсе бастаған адамдарға пайда әкелудің өзі керемет, - деп жалғастырады Оңдасын Аманжолов.
Оның айтуынша, нұсқаушы жұмысында оңалту жабдықтарының болуы үлкен көмек болып табылады. Орталықта «Samruk-Kazyna Trust» әлеуметтік жобаларды дамыту қоры сатып алған заманауи қондырғылар мен тренажерлардың 25-тен астам атауы бар.
Жаңаөзен қаласында оңалту орталығын ашу жобасының бастамашысы «Мұнайшы қамқоры» қоғамдық қоры болды, оның құрылтайшылары «Өзенмұнайгаз» АҚ қызметкерлері. Компания Р. Өтесінов атындағы дене шынықтыру-сауықтыру орталығы базасында бөлме бөлді және күрделі жөндеу жұмыстарын жүргізді. Орталықтың әкімшілік шығындарын жабуға арналған жыл сайынғы бюджет «Өзенмұнайгаз» АҚ қызметкерлерінің ай сайынғы ерікті жарналары есебінен қалыптастырылады, олардың саны бүгінгі күні 9 мыңнан астам адамды құрайды.
Орталықта оңалту үшін жылына 400-ге жуық баланы церебралды сал ауруы, аутизм спектрінің бұзылуы, ақыл-ой дамуының тежелуі, гемипарез, нейро-ортопедиялық аурулар және т.б. диагноздармен қабылдау жоспарланып отыр.
Қазақстанда церебралды сал ауруы бар 19 000-нан астам бала бар және олардың әрқайсысы қажетті оңалтуды алу мүмкіндігіне ие болса екен дейсің. Біздің қор орталықтың ашылуын қолдап, қажетті жабдықтарды, соның ішінде жүру дағдыларын қалпына келтіру үшін «Mercury Med» оңалту кешенін, баланс патологиясын диагностикалауға арналған «Биокинект» кешенін, эрготерапияға арналған тренажерларды, магнито - және физиотерапияға арналған аппараттарды және басқаларын сатып алды, барлығы 40 млн теңге сомаға 25 атау аппарат, - деп атап өтті «Samruk-Kazyna Trust» қорының ресми өкілі - корпоративтік қызмет басшысы Мирас Іргебаев.
Бүгінде «Балақай» орталығына 35 мүгедек бала ем алады, олардың әрқайсысы өз ата-аналарымен және орталық мамандарымен бірге өзінің табыс тарихын құруда.
Еске сала кетейік, Мемлекет басшысы балаларды кішкентай кезінен бастап оңалтуға көңіл бөлуді тапсырған болатын.
