24 тамызда Абай, Жетісу және Ұлытау облыстарынан Қазақстан Республикасы Парламенті Сенатының депутаттарын сайлау өтеді, деп хабарлайды BAQ.KZ ҚР Орталық сайлау комиссиясының баспасөз қызметіне сілтеме жасап.
Парламент Сенатының депутаттарын сайлау таңдаушылардың бірлескен отырысында өткізіледі, отырыс сағат 11.00-де басталады.
Абай, Жетісу және Ұлытау облыстарынан Қазақстан Республикасы Парламенті Сенатының депутаттарын сайлауда таңдаушыларды тіркеу сағат 10.00-де басталады.
Парламент Сенатындағы 6 мандатқа 12 кандидат үміткер болып отыр.
Барлық үш өңірдегі таңдаушылардың жалпы тізіміне 346 мәслихат депутаты енгізілген.
Дауыс беру күні Орталық сайлау комиссиясының интернет-ресурсында көрсетілген сілтемелер бойынша онлайн байқау сервистері жұмыс істейтін болады.
